Mmm

Down for the count

Búið er að telja atkvæðin. Nema utankjörfundaratkvæðin. Þvílíkir prúðuleikarar.

Magnús birti @ 10:32 e.h.

Fyndnasti maður Íslands

Góða kvöldið, góðir gestir! Og aðrir! Gaman að sjá ykkur svona mörg saman komin hérna! Já, líka ykkur úr Kópavoginum. Ha ha ha! Nei, bara létt grín. Þið eruð frábær. Það er fínt fólk sem býr í Kópavoginum. Takk fyrir, takk fyrir. Annars var ég að pæla, þetta með Kópavoginn, hafið þið einhvern tímann reynt að rata í Kópavogi? Það er alveg vonlaust! Hvað er eiginlega málið með það??? Takk fyrir. Svo er annað sem ég hef tekið eftir, þegar ég er úti að keyra í umferðinni, ég geri nefnilega töluvert af því, ég meina hver gerir það eiginlega ekki, það er með þessi bílnúmer! Þú veist, hvað er málið? Einu sinni var bara einn stafur, Reykvíkingar voru með R, Akureyringar voru með A, en Hafnfirðingar voru með G! Hvað var eiginlega málið með það??? Ha? Pælið í því! Svo núna, ha, þá eru tveir stafir. Hvað er eiginlega málið með það??? Af hverju eiginlega tveir stafir? Er það eitthvað betra? Sko, ef einhver er með númerið MO eitthvað eitthvað eitthvað, er hann þá úr Mosfellsbæ? Hvað eru þeir eiginlega að hugsa í samgönguráðuneytinu??? Ha, ha. Já, takk fyrir. Það er gott að vera hérna í kvöld, þið eruð alveg frábærir áhorfendur. Nei, í alvöru. Af öllum sem ég hef verið með svona standöpp fyrir get ég sagt, alveg í fullri hreinskilni, að þið eruð tvímælalaust þau nýlegustu. Ha ha ha! Nei, ég er ekkert að djóka með þetta! Annars, svo ég fari nú úr einu í annað, hvað er eiginlega með þessa GSM-síma? Það er kannski einhver að labba bara í hægðum sínum framhjá manni, að tala á fullu í GSM-síma! Svo er maður kannski úti að keyra, þá er gaurinn í næsta bíl að tala í GSM-síma! GSM-símar úti um allt! Það eru allir að tala í GSM-síma! Mamma mín er að tala í GSM-síma! Hvað er eiginlega málið með það???

Magnús birti @ 10:18 f.h.

Samantekið hvatningarörljóð úr tölvupósti

Dear valued member!
Open it in the name of Jesus!
I can have normal sex again!
This one will explode!
Start losing weight now!


Lux Capital, Slipknots U. Butte, Olga Cox, Thaddeus Espinosa, Scatalytic Whence og fleiri ortu.

Magnús birti @ 12:19 e.h.

Restin

Orðaforði knattspyrnuheimsins er sömuleiðis margbrotinn. Til dæmis skoraði Svíinn Henrik Larsson ágætt skallamark fyrir Manchester United og sögðu þá lýsendur að boltinn „bara rynni af pönnunni á honum". Sjálfsagt gerir Henrik dúndrandi góðar kjötbollur heima í Helsingjaborg. Einn leikmanna Arsenal fékk umsögnina „Hann tæmir hlaupið vel", sem ég skildi ekki almennilega þar til ég tengdi það við gælunafn Arsenal, sem er Skytturnar. Hjá mótherjunum, PSV frá Eindhoven í Hollandi, vakti brasilíski varnarmaðurinn Alex sérstaka athygli enda skoraði hann bæði mörk leiksins, sem lauk með 1-1 jafntefli. Það fylgdi sögunni að Alex væri jafnan kallaður „Tankurinn", sem þýðir að öllum líkindum að hann sé helltur fullur fyrir hvern leik. Hann er reyndar eins og skriðdreki á velli en það kemur málinu ekkert við.
Blogger er drasl.

Magnús birti @ 10:06 e.h.

Skyttan tæmir hlaupið gegn Tankinum

Meistaradeild Evrópu í fótbolta er furðulegt fyrirbæri. Stór hluti hennar er útsláttarkeppni, þannig að hún er í rauninni ekki deild. Við gætum eins talað um heimsmeistaradeildina sem haldin er á fjögurra ára fresti. Sum lönd eiga fjögur lið í keppninni, eins og England þangað til Arsenal datt út í fyrrakvöld, þannig að ekki komast aðeins meistarar í Meistaradeildina, eins og heyrðist í auglýsingu um árið. Svo eru lið frá Ísrael aufúsugestir eins og í Eurovision þannig að ekki takmarkast valið við Evrópu. Merkilegt.
Þá er ekkert eftir nema sjálfur fótboltinn en það eru gömul sannindi að í þeirri íþrótt er ekkert gefið nema spjöldin. Í gamla daga var talið að boltinn væri hnöttóttur og leikurinn níutíu mínútur en það hefur síðan verið hrakið. Nú vitum við líka að leikurinn snýst ekki bara um að koma boltanum oftar í net andstæðinganna en sitt eigið, heldur er einnig mikilvægt að setja leiksýningu á svið fyrir dómarann, grípa sér um höfuð við hvert tækifæri og komast í snertingu við náttúruna með því að velta sér upp úr grasinu eins og á Jónsmessunótt. Listrænt og vistvænt.

Magnús birti @ 1:02 e.h.

Saga með boðskap

Eins og venjulega trompar Hómer Simpson hann Kalla prestsins:

"Kids, let me tell you about another so-called wicked guy. He had long hair and some wild ideas. He didn't always do what other people thought was right. And that man's name was... I forget. But the point is... I forget that, too. Marge, you know what I'm talking about. He used to drive that blue car?"

Magnús birti @ 2:23 e.h.

Getraun

Hver skrifaði, og hver er boðskapurinn?

"Saga er sögð af presti einum sem fékk far með gömlum bónda í sókninni. Skyggnið var slæmt og presturinn spurði bóndann hvernig hann gæti ratað í þessu slæma skyggni,„Ég treysti á mína góðu sjón,“ sagði bóndinn. Þegar þeir höfðu ekið lengi enn, og alltaf varð myrkrið meira og vegurinn verri og presturinn stressaðri.„Geturðu virkilega séð nokkurn skapaðan hlut?“ spurði hann bóndann. Þetta sinn viðurkenndi bóndinn að skyggnið væri ekki upp á marga fiska, „en,“ sagði hann, „Nú treysti ég á klárinn.“ Enn dimmdi og vegurinn versnaði til muna, og presturinn varð alvarlega áhyggjufullur: „heldurðu virkilega að það sé óhætt að treysta þessum jálki fyrir lífi okkar og limum?“ „Nei,“ svaraði bóndinn hugsi, „nú treysti ég bara á Drottinn.“ - Og þá bað presturinn hann um að setja sig af."

Að sjálfsögðu er einnig vinsælt að benda á málfars- og innsláttarvillur.

Magnús birti @ 10:34 e.h.

Þorsti

Ég er að borða salat og drekk helling af vatni með. Samt verð ég þyrstari og þyrstari. Hvað er eiginlega málið með það?

Magnús birti @ 3:33 e.h.