21.8.06

Svíðþjóð

Örebro er bær í sænska nöldurbeltinu svokallaða, sem dregur nafn sitt af niðurdrepandi talsmáta innfæddra. Einnig telst bærinn til sænska biblíubeltisins og er þar að finna eitt glæsilegasta úrval trúarlegra rita á sænsku í gjörvöllum heiminum.

Þegar mikið liggur við lætur maður Hönnunarstofu Percys í Kristianstad um verkefnið.


Ökuþórinn Ronny Peterson er án efa ástsælasti sonur Almby, sem er úthverfi Örebro. Hann dó hryllilegum dauðdaga þegar kviknaði í Formúlu eitt bifreið hans við árekstur. Þessi stytta af Ronny er í Almby og situr hann á logunum sem standa upp úr bifreiðinni.

Þessi mynd og sú næsta sýna hversu lifandi skoðanaskiptin eru milli stjórnmálaflokkanna og alþýðunnar í hjarta Svíaríkis.

Samkynhneigðir eldri borgarar eru óplægður akur í baráttunni um atkvæðin.

Hér er ég allhress með kaffi um hönd við veitingastað við Prestsgötu í Gamla Stanley í Stokkhólmi.

Að síðustu er hér auglýsing sem ég rakst á í Kristianstad. Ég er ekki sérstaklega sleipur í sænskunni en sýnist stúlkan á myndinni vera útskrifuð úr bandarískum háskóla.

13.8.06

Gleðiefni

Svona gullmolar eru alltaf skemmtilegir.

12.8.06

Hugvekja um viðhorf til samkynhneigðar

Þið þarna sem missið svefn út af hommum og lesbíum, hér er hluti af samræðum Edmund Blackadder (E) og Leech skottulæknis (D) úr annarri sjónvarpsþáttaröðinni um hinn fyrrnefnda:

D: I see. So you started fancying boys then, have you?
E: Not boys. A boy.
D: Yes, well let's not split hairs. It is all rather disgusting and naturally you're worried.
E: Of course I'm worried.
D: Well, of course you are. It isn't every day a man wakes up to discover he's a screaming bender with no more right to live on God's clean earth than a weasel. Ashamed of yourself?
E: Not really, no.
D: Bloody hell! I would be. But still, why should I complain? Just leaves more rampant totty for us real men, eh?

Þar liggur rattatinn grafinn. Drífa sig að hafa ekki áhyggjur af þessu.

11.8.06

Stefna Bandaríkjamanna í utanríkismálum

Öll dýrin í skóginum eiga að vera vinir Ísraels.

7.8.06

Árvökul gæsla

Í brekkusöngnum í Vestmannaeyjum í gærkvöld réðst ókunnur maður að Árna Johnsen og reif af honum hljóðnemann. Hinn óboðni gestasöngvari náði hins vegar ekki að syngja nema nokkur orð áður en hann var snúinn niður. Hjúkk maður. Þarna hefði getað farið illa.

6.8.06

Meiri hryllingur

Tvær nauðganir, svo vitað sé opinberlega, eru komnar um helgina á Akureyri, færri en á sama tíma í fyrra. Flestar nauðganir eru þó á sunnudagskvöldum, samkvæmt starfsmanni systursamtaka Stígamóta. Tugir fíkniefnamála. Vestmannaeyingar eru þrautþjálfaðir í að halda niðri umræðu um nauðganir á "Þjóðhátíð", þannig að ennþá óljósara er hversu mörgum hefur verið nauðgað þar um helgina.

Ég veit ekki hvað þarf að gerast til að fólk vakni og þessum hryllingi linni, en þetta er algjörlega fyrirsjáanlegt á hverju ári. Ef löggan hefur engan hemil á lögbrotum, af hverju er þetta þá leyft ár eftir ár? Getur það verið af því að hagsmunaaðilar þar sem þessar ógeðshátíðir eru haldnar eru sáttir við að fórna litlum krökkum til þess að þeir fái sjálfir peninga í vasann?

2.8.06

Árviss viðbjóður

Börnum er nauðgað.


Börn eru lamin inn á spítala.


Börn drekka yfir sig af áfengi.


Börn prófa eiturlyf.



Um helgina verður haldin mörg þúsund manna ofdrykkju-, eiturlyfja-, líkamsárása- og nauðganahátíð fyrir börn. Fyrir þessu er nokkurra áratuga hefð og kallast það Þjóðhátíð. Börn undir lögaldri flykkjast til Vestmannaeyja í misjafnlega lífshættulegum farartækjum (sjá flugslys fyrir sex árum sem kostaði fjölda mannslífa) til þess að skemmta sér, kannski drekka svolítið áfengi og kannski stunda kasjúal kynlíf. Það sem gerist er að risastór tollur er tekinn af þeirri skemmtun sem fer fram á svona samkomum.

Ég vissi ekkert hvað ég var að gera þegar ég gaf skít í það sem foreldrar mínir sögðu og fór í Húnaver, sautján ára og alveg grænn. Fullur og vitlaus allan tímann, reyndi að fíla mig geðveikt vel eins og þetta væri allt ómissandi upplifun, en man ennþá best eftir því þegar ég leit yfir svæðið úr rútunni í hlíðinni á leiðinni aftur til Akureyrar. Hver einasti maður búinn að skíta í skóginn og allir kaldir og blautir að deyja úr þynnku, ef ekki ennþá á rassgatinu af ölvun. Ég hugsaði með mér hvað ég hlakkaði til að komast loksins í bað þegar ég kæmi heim og síðan myndi ég aldrei, aldrei, aldrei á ævinni fara aftur á svona viðbjóð, nema með tengivagn til að safna dósum og verða ríkur. Núna sé ég að ég var heppinn að sleppa án þess að vera laminn eða enda brennivínsdauður utan í gaddavírsgirðingu þakinn í annarra manna hlandi, eins og ég sá gerast þarna. En ég horfði upp á að strákur afklæddi stelpu sem var svo gott sem meðvitundarlaus af ofdrykkju, og ég geri ráð fyrir því að með því hafi ég orðið vitni að nauðgun. Þetta var bara einhvern veginn svo í takt við ruglið og taumleysið að það spáði enginn neitt meira í það, og þetta atvik, þessi glæpur, hefur örugglega ekki birst í skýrslum eða farið fyrir dóm. Það eina sem ég get gert í því núna er að nefna það og skammast mín svo fyrir að hafa ekki gert neitt.

Á hverri einustu svona samkomu skaddast einhverjir fyrir lífstíð. Þetta eru börn. Og þau vita ekkert hvað þau eru að fara út í. En þeim sem græða á þessu er alveg sama. Eitt árið (að minnsta kosti) var Stígamótakonum neitað um aðstöðu í Vestmannaeyjum vegna þess að þær minntu fólk á það að á útihátíðum er stelpum nauðgað. Og núna er lukkudýr hátíðarinnar teiknimyndafígúra, lundi sem sturtar í sig bjór og blikkar. Áfengisauglýsing. Þessum gaurum er alveg sama.

Foreldrar hafa hins vegar lagalega skyldu gagnvart börnum sínum upp að átján ára aldri. Fylleríshátíðir verslunarmannahelgarinnar eru þjóðarskömm og eins gott að Íslendingar fari að snúa við blaðinu ef þeim er ekki alveg nákvæmlega sama um mannlegar hörmungar.

1.8.06

Innlegg í vestræna poppmenningu

Í dag eru 40 ár síðan brjálæðingurinn Charles Whitman kom sér fyrir með riffilinn sinn í útsýnisturni Texas-háskóla í Austin og hóf skothríð með þeim afleiðingum að 15 manns létu lífið og 31 særðist áður en löggan náði að taka Whitman endanlega úr umferð. Það mætti segja mér að það hafi verið í heitara lagi í Texas þann dag.