A time to sow...
Hef þetta stutt í dag:Fór á nútímadansverkið Við erum öll Marlene Dietrich for í síðustu viku. Það var þrælgott og ég hvet alla til að fara á það. Held ég noti menningarskriðþungann til að fara loksins á Svik við fyrsta tækifæri og auglýsi eftir áhugasömu meðreiðarfólki í það verkefni.
Byrjaði á mánudaginn í tólf vikna hreyfingar- og mataræðisátaki með Guðrúnu Helgu úr vinnunni, böggum hvort annað sífellt með röfli og tölvupósti til að gleyma þessu ekki. Lyfta tvisvar í viku, sund eða önnur hreyfing fjóra daga og slæpingjaháttur einn helgardag eftir hentugleikum. Bannað að éta skít nema á slæpingjadögum. Fituprósenta 17,1% en markmiðið er að skrúfa það niður í 15% á fjórum vikum og 12% á tólf vikum.
Inni: TV on the Radio, kúrbítur, film noir, Curtis Mayfield, vatn, Sufjan Stevens, indverskar baunapönnukökur, Klink og Bank, heill ananas, tannþráður, Richard Brautigan, ömmuteppi.
Úti: Britney Spears, McDonald's, Sjálfstæðisflokkurinn, kúbismi, Status Quo, Björgvin Halldórsson, Þorsteinn Gunnarsson, beikon, sandalar, Eurovision.
Magnús birti @ 1:53 e.h.
2 Ummæli:
Nei Status Quo er alltaf inni, er að spila tónleikaútgáfu af Hold you back núna. Sá þá á tónleikum í Reiðhöllinni í Víðidal og þeir hafa verið inni síðan.
Dööööh. Ertu orðinn eitthvert menningarfrík? Og hættur að borða drasl? Þetta getur ekki farið vel.
Skrifa ummæli
Gerast áskrifandi að Birta ummæli [Atom]
<< Heim