Mmm

Endalok

2009-01-28T00:32:00.001Z

Ákveðið hefur verið að leggja þessa bloggsíðu niður í núverandi mynd. Áhugasömum er bent á www.mmmagnus.wordpress.com og þökkuð samveran.

Flokkurinn eða þjóðin

2009-01-27T18:00:00.002Z

Spurningin sem hefði átt að spyrja Geir Haarde er þessi: Á hvern hátt hefði það verið andsnúið hagsmunum þjóðarinnar að Sjálfstæðisflokkurinn gæfi eftir forsætisráðherrastólinn?

Óborganlegur grínisti

2009-01-25T23:41:00.002Z

Ef þetta er gamansemi og glaðværð stefni ég einarðlega að því að vera sá húmorslausasti þumbari sem ég get verið. Svo fer ég kannski að koma kommentakerfinu aftur upp einhvern tíma um það leyti sem ríkisstjórnin hættir sjálfviljug og frýs í helvíti.

Áríðandi skilaboð

2008-12-24T15:31:00.001Z

Sýnið hvert öðru umhyggju og hlýju. Gleðileg jól!

Lesið þetta

2008-12-15T15:30:00.001Z

http://www.smugan.is/pistlar/adsendar-greinar/nr/358

Nema auðvitað ef þið eruð sérstakir aðdáendur DV eða (fyrrverandi) stjórnenda Landsbankans, eða... eitthvað.

Samhengi

2008-11-05T21:52:00.002Z

Já, heyrðu, getur verið að Kaupþingsdrullusokkarnir hafi hreinlega brotið lög með því að úthluta sjálfum sér einhverjum skrilljörðum af annarra manna peningum? Ótrúlegt. Og við því liggur fangelsisvist? Það er lyginni líkast. En við skulum ekkert flýta okkur að rannsaka það eða draga þá fyrir dóm. Það liggur meira á að finna gaurinn sem sveik þrjúþúsundkall út úr matvörubúð með því að framvísa tíuþúsundkalli með mynd af Davíð Oddssyni. Þar er greinilega glæpamaður á ferð sem svífst einskis. Þetta hefði getað komið fyrir hvern sem er!

NÚNA!

2008-11-05T14:19:00.001Z

Eftir hverju er eiginlega verið að bíða? Hlutlausa sérfræðirannsókn á allt heila draslið NÚNA! Og í fangelsi með þessa Kaupþingsdrullusokka. Drífa sig!

Þið hugsuðuð lengra, drullusokkar

2008-11-04T16:10:00.002Z

Þið voruð aldeilis að hugsa fallega þegar þið afskrifuðuð skuldir starfsfólksins vegna hlutabréfakaupa. Ætlið þið, sem voruð með sextíu milljónir króna á mánuði af því að þið báruð svo mikla ábyrgð, að bæta öðru fólki tapið sem það varð fyrir? Hugsum lengra, já. Helvítis kjaftæði. Hreiðar Már, Sigurður, Ingólfur. Þið eruð drullusokkar.

Klukk

2008-10-23T13:02:00.002Z

Þegar Pez-karlinn klukkar, þá svarar maður. Hann kann á tímanum skil.

1. Fjögur störf sem ég hef unnið um ævina:
Málari á Akureyri
Verkamaður í gatnagerð á Akureyri
Þræll á trefjaplastverkstæði í Sandefjord í Noregi
Prófarkalesari á Mogganum og svo Fréttablaðinu

2. Fjórar íslenskar bíómyndir sem ég held upp á:
Nýtt líf
Með allt á hreinu
Sódóma Reykjavík
Rokk í Reykjavík

3. Fjórir staðir sem ég hef búið á:
Akureyri
Osló
St. Paul
Reykjavík

4. Fjórir staðir sem ég hef heimsótt í fríum:
Adelboden í Sviss (1983)
Stokkhólmur (2006)
York á Englandi (2005 og aftur 2008)
Badlands í Suður-Dakóta í Bandaríkjunum (1986)

5. Fjórir sjónvarpsþættir sem mér líkar:
The Simpsons
I‘m Alan Partridge
Peep Show
The Office

6. Fjórar síður sem ég skoða daglega:
Football365
Gmail-boxið mitt
Wikipedia
BlackPeopleLoveUs.com

7. Fernt sem ég held upp á matarkyns:
sushi
indverskt
marokkóskt
mjólk

8. Fjórar bækur sem ég hef oft lesið:
The Lives of John Lennon eftir Albert Goldman
American Psycho eftir Bret Easton Ellis
Árið – atburðir líðandi stundar í máli og myndum ca 1965-1986
Heimsmetabók Guinness

9. Fjórir staðir sem ég myndi helst vilja vera á núna:
Seltjörn
KR-heimilið (í fótbolta)
Kjarnaskógur
York

10. Fjórir bloggarar sem ég klukka:
Mamma mín
Valur
Högni
Hjörtur

"Beinagrindin Ellington"

2008-10-16T13:03:00.000Z

Var bara svona að velta þessu fyrir mér.

Angist

2008-10-08T15:33:00.001Z

Alls staðar er allt að fara í klessu:

http://www.youtube.com/watch?v=ZimbxYoRe2U&NR=1

Ábending dagsins

2008-09-25T14:08:00.000Z

Armed Forces með Elvis Costello & The Attractions.

Í fréttum

2008-09-23T14:48:00.001Z

Það er ekkert að frétta. Ég læt vita.

Hætt að elta venjulega Íslendinga

2008-09-19T15:44:00.002Z

„Sektum fyrir að tala í farsíma og aka bíl á sama tíma hefur fækkað um helming miðað við árið í fyrra. Kristján Ólafur Guðnason aðstoðaryfirlögrluþjónn segir að ástæðan sé sú að lögreglumenn séu hættir að eyða ómældu púðri í að eltast við venjulega Íslendinga sem séu oftast réttu megin við lögin. Hún eyði núna orku sinni í að elta uppi síbrotamenn í umferðinni.“

Þetta stendur á mbl.is. Af hverju í ósköpunum er ekki talað um venjulegt fólk frekar en venjulega Íslendinga? Á kannski að halda áfram að elta venjulega útlendinga, af því að þeir eru oftast vitlausu megin við lögin?

Victoria sjóðheit með strákaklippingu

2008-09-11T16:15:00.001Z

Svona er fyrirsögnin á einni af mest lesnu greinunum á visir.is. Hinar fimm eru allar um barnanauðgara.

Þjóðargersemin

2008-09-01T22:54:00.001Z

Það var nú gott að einhverjir drifu í að bæta aðbúnaðinn við Geysi. Vonandi kemur einhver svo með rusladall og fullkomnar verkið.

Snarbrattur Hamarinn

2008-08-19T12:37:00.003Z

Í dag er bjartur og fagur dagur, þannig að við skulum líta á örstutt myndskeið til að koma okkur í enn betra skap. Mikill meistari var Stallari Hamar og gæfa heimsins víðern að list hans hafi eitt sinn verið viðmið annarrar listar. En svo skipuðust veður í lofti vonum fyrr; launaskrá og blíng rifu af Hamrinum sjóhattinn og tróðu upp á hann hempu. Þó ekki fyrr en þetta stórvirki hafði litið dagsins ljós. Hentu í mig Hamrinum!

Hugleiðingar leikmanns um vindorku

2008-08-12T18:57:00.003Z

Í kvöldfréttum Stöðvar tvö áðan var viðtal við efnafræðing sem vildi að kannaðir yrðu möguleikar á að virkja vindorku hér á landi. Þetta hljómar vel, ekki síst til að svala forvitni fólks eins og mín um málið. Af örstuttu Wiki-rápi sé ég nokkur atriði sem hafa þarf í huga:

Nútíma vindtúrbínur (?) eru engin smásmíði og flutningskostnaður þeirra á áfangastað er gríðarlegur.
Stofnkostnaðurinn er talsverður og mikils mannafla er krafist við uppsetningu. Viðhald er einnig dýrt.
Sjónmengun er allnokkur, enda mannvirkin allt upp í hundrað metrar á hæð.

Fleira má telja til, en kannski er umfang verkefnis af þessu tagi kostur þar sem atvinnuástand er bágt. Á vesturhluta Tjörness mætti alveg sjá fyrir sér röð af túrbínum eins og meðaltúristinn þekkir frá Eyrarsundi, án þess að útsýnið yfir Skjálfanda frá Húsavík liði fyrir. Ennishöfði á Ströndum er þó sá staður sem mér dettur helst í hug í ljósi eigin reynslu, enda er það örugg vindveita sem gæti þolað slíka útlitsbreytingu.

Því ekki vindorku? Ekki var stofnkostnaður vandamál við Kárahnjúka. Og ekki er útlit fyrir að lægi í bráð neins staðar á landinu.

Blátönn með rentu

2008-08-06T17:44:00.002Z

Sælir, lesendur góðir. Í dag leita ég til ykkar með tæknilegt vandamál, þar sem ég er þess fullviss að einhver ykkar sé fullframaður á tölvuöld. Ég er sko með farsíma frá Nokia og vil færa myndir sem ég ef tekið á hann yfir í Hewlett-Packard fartölvuna mína. Síminn er með Bluetooth og tölvan á að vera með það líka en mér gengur engan veginn að láta tölvuna ná sambandi við símann. Bluetooth er greinilega í gangi í símanum þannig að mig grunar að tölvan sé vandræðagepillinn. Vantar mig einvers konar forrit í hana? Þarf ég að kaupa mér eitthvert stykki á hana til að ná sendingunni úr símanum? Voru það mistök að kaupa ekki einhverja forneskjulegri tegund af síma svo að ég gæti einfaldlega tengt hann við tölvuna með snúru? Eða hefði verið einfaldara fyrir Nokia að drullast til að hafa þannig port á símanum sem ég á?

Með kærri kveðju og von um svör,
Magnús

Okurprent

2008-07-24T13:35:00.002Z

Útprentun á bókasafninu sem ég er á kostar þrjátíu krónur síðan, hvort sem það er ein eða hundrað síður. Það er okur sem ekki verður púkkað upp á oftar en í þetta eina skipti. Í öðrum fréttum er að ég ætla að aula mér í form, hvað sem það kostar. Ég nenni ekki lengur að samræma björgunarhring, aumingjaaxlir og andneyð. Þar af leiðandi er ég meðal annars hættur að borða nammi, að minnsta kosti þangað til í októberbyrjun eða þar um bil.

Heilatregða

2008-07-03T20:42:00.002Z

Sumt fólk lætur ekki greindarvísitöluna þvælast fyrir sér. Því ber að fagna.

P.S. Jimbo, ferðu ekki að verða búinn í baðinu?

Borg syndanna

2008-06-30T19:35:00.004Z

Akureyringum fyrrverandi og núverandi bendi ég á þessa grein og þá bráðskemmtilegu túlkun á nafni Alþýðuhússins/Húss aldraðra sem þar kemur fram. Sannarlega hafa margir haft á orði að Akureyri sé nokkurs konar Las Vegas norðursins og get ég ekki neitað því að sú samlíking var mér jafnan ofarlega í huga á uppvaxtarárum mínum, ekki síst þegar ég fór á dansnámskeið í Allanum snemma á níunda áratug síðustu aldar. Það var rosalegt.

Sexual Chocolate

2008-06-27T13:51:00.000Z

SEXUAL CHOCOLATE!

Staðreynd

2008-06-18T21:59:00.000Z

John Wayne Gacy var einu sinni útibússtjóri hjá KFC.

Afturhvarf og endurnýjun

2008-06-16T21:58:00.003Z

Nammibarinn í Hagkaupum í Kringlunni hefur á ný hafið sölu á lakkríspinnum. Þetta er því mikill gleði- og fyrirgefningardagur. Næst er að byrja aftur með Southern Fried Chicken og verður endurkoma fyrirtækisins þá fullkomnuð. Þá tók íþróttabúnaður heimilisins miklum framförum í dag þegar ég tók þá frábæru ákvörðun að kaupa mér legghlífar, sokka og Adidas Predator-takkaskó. Ég er glaður.

P.S. Látið lakkríspinnana mína í friði.

Endurfundir

2008-06-15T20:33:00.001Z

Gaman væri ef persónur og leikendur í Monk og Grey's Anatomy leiddu saman hesta sína. Þá yrði sannarlega smyrsl í körfunni.

Bull á heimsmælikvarða

2008-05-29T17:06:00.002Z

„Massive material damage... people thought the world was coming to an end.“ Þetta var íslenskur „fréttamaður“ að segja á CNN. Þvílíkt ótrúlegt uppskáldað kjaftæði. Erum við í samkeppni við Kínverja um jarðskjálftahörmungar eða eitthvað?

Eins og að spila á spil... sigurleiðin

2008-05-24T21:59:00.004Z

Bara ef Færeyjar, Grænland, Skotland, Norður-Írland, Kanada, Jan Mayen, Svalbarði, Orkneyjar, Hjaltlandseyjar, Hatton Rockall, Klörubar, danska félagslega kerfið og Vestmannaeyjar hefðu atkvæðisrétt...

ÞÁ MYNDUM VIÐ BURSTA ÞETTA!

Skemmtilegur evrópskur leikur

2008-05-24T20:21:00.001Z

Ég fæ mér sopa við hverja Eurovision-hækkun. Það myndi enda með ósköpum ef ég væri í áfenginu.

Skatturinn

2008-05-22T18:57:00.000Z

Ég er mikill áhugamaður um skattsöng. En ég fer leynt með það.

Linur

2008-05-15T19:03:00.001Z

Fréttamaður á RÚV segir endurtekið „samdals“ en ekki samtals. Hversu viðbjóðslega linmæltur er hægt að vera?

Persónutöfrar

2008-05-08T19:05:00.007Z

Þetta eru glæsilegir leiðtogar.

Neðri myndin er fengin af vefsíðu F-listans, ljósmyndari ókunnur.

Stórkostlegt notendaviðmót fyrr og nú

2008-05-06T10:42:00.002Z

Ég er ekki frá því að „Are you sure you want to log off?“ sé ein ánægjulegasta spurning sem nútímamaðurinn rekur sig á með reglulegu millibili, þ.e.a.s. alltaf þegar hann ætlar að standa upp frá tölvunni og ganga frá þannig að aðrir fari ekki að róta í því sem hann var að gera. Pælingin er sú að menn ýta svo rosalega oft á „start“ og „log off“ alveg óvart að það er nauðsynlegt að bæta við einu örlitlu handtaki fyrir hvert skipti sem maður hættir í tölvunni. Annars getur þurft að logga sig inn aftur, og alþjóð veit hversu erfitt það er. Forritarar heimsins eiga hrós skilið fyrir þessa forsjálni, og klappa ég þeim hér með á bakið fyrir hönd skrifstofuþræla og tölvusjúklinga um gjörvallan heim.

Reyndar verð ég að viðurkenna að notagildi þessarar spurningar bliknar við hliðina á annarri frá frumöld tölvunnar, þegar ofurtölvan Amiga, sem var 128k, gerði Commodore 64 úrelta sællar minningar. Trixið við Amiguna var nefnilega að allt sem Commodore gat gert, það gat Amigan líka. Svona gekk það fyrir sig:

GO 64

Are you sure?

YES

Komið hafði í ljós við notendaprófanir á Amigunni að notendur voru mjög gjarnir á að slá inn „GO 64“ fyrir mistök og fylltust óafturkræfri sálarangist þegar þeir voru slitnir frá mjúkum barmi Amigunnar og hent á afturendann í forneskju Commodore-hellisbúans. En forritararnir sáu sem betur fer við því og ráku þarfan varnagla. Skál fyrir þeim.

Huglægt tóndæmi

2008-04-30T13:15:00.003Z

Góðir gestir, ég færi ykkur (sem hafið heyrt það áður) lagið Hr. hvít skyrta og bindi, sem Trúbrot festi svo eftirminnilega á plast fyrir fjórum áratugum en bar ekki gæfu til að setja á A-hlið smáskífu í stað hippavellunnar Starlight. Textinn er sérlega haganlega gerður og dregur fram, samhliða raunsannri mynd af neyslumynstri og dægurstraumum samtímans, ansi áleitnar spurningar um hlutskipti mannsins og hvert hann stefni á tölvuöld. Ef þið lygnið aftur augum og látið hljómfallið umlykja ykkur er ég viss um að þið heyrið sveimandi vælið í gítarnum og töfrandi falsettuna í bakröddunum. Njótið vel!

Hr. hvít skyrta og bindi komdu blessaður
hví ertu að hlæja, þú ert berrassaður?
Lof mér að kíkja' inn í hausinn þinn
lof mér að sjá bak við augun þín

Gettu hver þú ert
Hvað viltu að þú sért?
Gettu hver þú ert
Hvað viltu að þú sért?

Hr. hvít skyrta og bindi snúðu þér í hring
einn, tveir, þrír, dinga linga ling
Hættu að veltast í kogganum
hættu að sulla í viljanum

Gettu hver þú ert
Hvað viltu að þú sért?
Gettu hver þú ert
Hvað viltu að þú sért?

Mótmæli

2008-04-29T08:48:00.002Z

Eftir fjöldahengingarnar í Minnesota, spretthlaupið um Oklahoma og ýmsar aðrar uppákomur var takmarkinu loksins náð; landið var fullnumið af siðmenntuðu fólki. Þjóðarsálin nýbakaða gleymdi sér eitt andartak. Hún dýfði tánum í Kyrrahafið og kastaði mæðinni, stolt yfir árangrinum. Svo vafði hún um sig þykku handklæði, labbaði inn í hús og hringdi í Washington, brjáluð yfir því að helvítis landið skyldi vera búið.

Hress

2008-04-28T18:33:00.004Z

Hei! Ég fór út að hlaupa í gær! Kringum Öskjuhlíðina! Það eru svona fimm kílómetrar! Hljóp það á jöfnum hraða alla leið! Rólegt og átakalítið! Var rúman hálftíma! Lýsi eftir hlaupafélögum! Ódýr og holl hreyfing! Býð líka upp á Neshring! Hann er svipað langur! Meiriháttar stuð!

Tímamót

2008-04-25T22:25:00.002Z

Ég var að pæla. Ég og konan mín sátum í stofunni og vorum að horfa á sjónvarpið og fórum að spá í veggfóðrið í þættinum sem við vorum að horfa á. Og þá sagði ég: "Veistu það, við veitum hönnun og lífsstíl ekki nægilega mikla hlutdeild í lífi okkar." Ég er að spá í að gera eitthvað í þessu.

Óborganlegir vinnubrandarar

2008-04-09T13:37:00.002Z

„Æi, kemur þú aftur. Það veit nú ekki á gott,“ er ótrúlega vinsæl lína og ég fæ aldrei nóg af að heyra hana. Einu sinni var „Já! Halda áfram að vinna!“ ferskasta grínið, og ekki útilokað að sá frasi geri kommbakk, þó að kannski sé hann bundnari við verkamannavinnu, eins og mín reynsla gefur til kynna. Gangandi vegfarendur koma þar sterkir inn. „Vinna betur! Hahaha!“ er líka frábær upphrópun sem er allt of langt síðan ég heyrði. Af mörgu skemmtilegu er að taka.

Atburðum líðandi stundar viðkomandi

2008-04-04T11:44:00.002Z

Í hvaða bók um ævintýri Lukku-Láka var sú refsing viðhöfð að klappa mönnum undurblítt á vanga eða öxl og segja við þá: "Litli prakkarinn"?

Vorkennum Hannesi

2008-04-03T19:51:00.005Z

Bla bla bla, málfrelsi, íslensk lög, bla bla, svigrúm til að gagnrýna menn, ég hélt að þetta væri réttarríki bla bla bla bla bla bla málfrelsi bla bla bla, má ég segja eitt? bla bla bla já og einu sinni þá bla bla bla og ég vil engum illt og bla bla bla bla bling bling bla, handvömm og bla bla bla og flebeleb. Bla bla bla bla bla bla bla og blö blö blö blö blö blö blö. Blaður blaður blaður blaður bla bla bla bla blæng. Eftir stendur að bla bla bla bla bla bla og má ég segja eitt? Bla bla bla bla og einu sinni löng og leiðinleg saga og bla bla bla og þá sagði ég bla bla bla. Ble ble blö blö og frumsamið efni og bla bla bla bla bling bling bla.

Trukkabílstjórarnir

2008-04-03T18:56:00.001Z

Þeir gerðu allt vitlaust.

Eineykisvagn

2008-04-02T13:09:00.002Z

Hvað í fljúgandi andskotanum er það?

Nýr hringitónn í símanum mínum

2008-04-01T12:50:00.003Z

Ég er loksins búin að úvega mér nýjan hringitóninn í símanum mínum sem er NOKIA 2670 og ég er meiri háttar ánægður með hann. Nýji tónnin er Walking On Sunshine með Jennifer Lopez, betur þekkt sem hin eina sanna J-LO, sem er ein sú allra vinsælasta í bransanum í dag. Meiriháttar flottur hringitónn og ég er bara að vona að sem flestir hringi í mig svo ég geti hlustað á tónin í allan dag og verið í geðveikum fílingi ;-)

Viðsnúningur

2008-03-30T18:50:00.001Z

Sumir sem töldu sig loðna um lófana sjá nú að það var bara rúnk.

Rætist úr degi

2008-03-28T09:19:00.003Z

Þegar ég mætti í vinnuna klukkan hálfníu var einhver kona í sjónvarpinu að fræða Opruh um hversu margir taugaendar væru í snípnum. Nú er Patrick Duffy hins vegar á skjánum.

Þú ert plebbi...

2008-03-25T23:51:00.002Z

...ef þú auglýsir Range Rover á Íslandi með blaðri á ensku um hvað Íslendingar séu æðislega miklir smekkmenn á fjallabíla.

...ef þú fílar Range Rover-auglýsinguna af því að það er svo gaman að heyra hvað útlendingum finnst um Ísland.

...ef þér finnst þessi bloggfærsla vera nöldur um eitthvað sem skiptir ekki máli en hefur samt lesið svona langt.

Bó

2008-03-22T19:32:00.002Z

Ég ljáði þér eyra og ég held að þú hafir virkilega reynt að syngja ekki falskt. Þá voru klæði þín slík að Harry Nilsson hefði verið fullsæmdur af. Það máttu eiga.

Íslendingum finnst skemmtilegast að versla við okurbúllu

2008-02-29T14:27:00.002Z

Hagkaup bara búin að hífa verðið á einum sæmilega troðnum salatbakka upp í meira en 700 kall. Eins gott að ég lagði áherslu á risarækjur í vali mínu.

Rokksköddun

2008-02-14T17:22:00.001Z

Úff hvað það er hægt að fá þetta lag á heilann. Fídbakk dauðans.

Ógæfa á ynternetynu

2008-02-14T15:58:00.004Z

Má ekki bjóða þér að „freysta gæfunnar“?

Byggð

2008-01-27T19:27:00.000Z

Hvar skyldi þessi mynd vera tekin?

¡Viva la Revolución!

2008-01-21T19:33:00.000Z

Hear me.

I am your new president.

From this day on, the official language of San Marcos will be Swedish.

In addition to that, all citizens will be required to change their underwear every half hour.

Underwear will be worn on the outside so we can check.

Furthermore, all children under 16 years old are now... 16 years old!

Umburðarlyndið og sannleikurinn

2007-12-13T14:01:00.000Z

Jæja. Ætlar ENGINN sem tjáir sig opinberlega um trúarbrögð í skólum og er fylgjandi kristniboði að sleppa því að gera trúleysingjum og foreldrum upp skoðanir? Það er alveg magnað hvernig sífellt er reynt að mála skrattann á vegginn (haha) og láta eins og verið sé að ofsækja kristna og meina fólki að trúa því sem því sýnist. Það eina sem ég bið um er að þurfa ekki að velja á milli þess að hafa barnið mitt útundan á leikskóla eða að láta prest þylja yfir því hvað sé nú satt og rétt um Gvuð og Jesús. Ef ríkiskirkjan og prestar hennar sýndu að þau gætu farið með rétt mál (trúboð eða ekki?), tekið til sín margendurteknar leiðréttingar og ekki síst gert greinarmun á trúboði og fræðslu um trúarbrögð væri þetta ekkert vandamál. En meðan nokkur möguleiki er á að börn í skólum fái ekki að vera í friði fyrir atvinnutrúmönnum, sem er skýrt brot á mannréttindasáttmálum og almennri virðingu fyrir réttinum til lífsskoðana, legg ég til að menn hætti að rífa kjaft um yfirgang trúleysingja og hvernig samfélagið sé að hrynja vegna skorts á guðsótta.

Hvað kemur á eftir veðurfréttunum?

2007-11-29T09:03:00.000Z

Fyrir tæpum tveimur áratugum byrjaði RÚV að sýna þætti sem vinur minn hafði heyrt að væru fyndnir. Hann tók upp fyrsta þáttinn, og svo næsta, og svo næsta. Innan tíðar var hann kominn með glæsilegan stafla af VHS-spólum, enda missti hann nær aldrei af þætti. Það varð síðan helgisiður hjá okkur félögunum að horfa á þessa þætti og gat það tekið bestan part úr degi því þeir voru hlaðnir óteljandi mörgum skemmtilegum smáátriðum sem þurfti gjarnan að spóla aftur til að skoða betur.

Í upphafi var Bart, og orðið var hjá Bart, og orðið var Bart. Simpson. Bart Simpson. Gulur strákur í fjórða bekk með fjóra putta á hvorri hendi, haldinn óseðjandi skemmdarfýsn sem hann sagði sjálfur að hefði alltaf inntak félagslegrar gagnrýni. Snemma færðist hins vegar fókusinn yfir á fjölskylduföðurinn Hómer, sem snerti hjörtu heimsbyggðarinnar með heimsku sinni, leti og takmarkalausu ofáti. Svo rammt kvað að vinsældum Hómers að íslenska þjóðin heiðraði hann með samnefndri sjoppu á Hverfisgötu sem fór leiftursnöggt á hausinn. Glæstir tímar.

Í þáttunum um Simpson-fjölskylduna er fjöldi lúmskra tilvísana sem fæstir skilja sem ekki eru komnir á miðjan aldur eða eru vel grúskaðir í sögu Bandaríkjanna. Persónugalleríið er afar víðtækt og mikil fræðiverk hafa verið rituð um vægi þáttanna sem ádeilu á flatneskju og bresti hinnar bandarísku þjóðarsálar. Samt smellvirka þeir sem teiknimyndir fyrir börn. Tæplega tveggja ára gömul dóttir mín er nú þegar orðin háð þáttunum, sem eru henni svo mikilvægir að þegar hún sér að veðurfréttirnar á Stöð 2 eru að verða búnar klappar hún saman lófunum í æsingi og kallar: „SIPPOOOOSS!" Ég sé fram á að endurnýja gömlu kynnin við Hómer, Marge, Bart, Lísu og Möggu með því að kaupa fullkomið safn þáttanna á DVD. Best væri auðvitað að fá spólusafnið góða lánað, en gamla VHS-tækið mitt er því miður löngu komið á haugana.

Hátíðisdagur

2007-11-27T15:45:00.000Z

„A musican, if he's a messenger, is like a child who hasn't been handled too many times by man, hasn't had too many fingerprints across his brain. That's why music is so much heavier than anything you've ever felt. “

- Jimi Hendrix

Framsóknarflokkurinn leysir vandann

2007-11-26T23:26:00.000Z

Úr ályktun SUF sem samþykkt var síðastliðinn þriðjudag:

„Stjórn Sambands ungra Framsóknarmanna lýsir yfir þungum áhyggjum yfir stöðu mála á húsnæðismarkaði.
Verðmyndun á markaðnum sem og aðstæður á lánamarkaði gera það nú að verkum að ungu fólki er nánast ómögulegt að eignast sína fyrstu íbúð. Þá er leigumarkaðurinn ekki valkostur til lengri tíma enda leiguverð á íbúðarhúsnæði nú einnig í sögulegu hámarki.
Ungt fólk krefst raunverulegra aðgerða af hálfu stjórnvalda, enda ekki boðlegt að einu viðbrögð forsætisráðherra þjóðarinnar, séu að segja fólki að kaupa sér ekki húsnæði.
Þörf fólks fyrir húsnæði hverfur ekki þó forsætisráðherra kunni að óska sér þess. Stjórnvöld verða að stemma stigu við villtum dansi bankanna á markaðnum og standa vörð um Íbúðalánasjóð sem tryggir aðgang allra landsmanna að ódýru lánsfé, óháð búsetu.“

Okkur vantar einmitt meira ódýrt lánsfé til að hemja húsnæðismarkaðinn. Flott hjá ykkur, framsóknarmenn. Með ykkar 11,7 prósenta fylgi á landsvísu, og í ljósi frábærrar frammistöðu ykkar í húsnæðismálum sem öðrum málum, er hneyksli að þið séuð ekki í ríkisstjórn.

Ég bara ég - og Framsóknarflokkurinn

2007-11-26T09:01:00.000Z

„Guðni Ágústsson lýsir því í nýrri ævisögu sinni að ódrengilegt hafi verið af formanni Framsóknarflokksins, Halldóri Ásgrímssyni, að hafa varaformann sinn ekki með í ráðum þegar Halldór og Davíð Oddsson ákváðu að styðja innrás Bandaríkjamanna í Írak.“

Þetta er frábær punktur hjá Guðna. Ekki var ég spurður, og ég er einmitt frekar spældur með það. Ég þekki engan sem var spurður, og ég veit að sumir eru ekki sáttir. Það eru reyndar allt hælbítar og kommúnistar sem fagna því gríðarlega að allt sé í klessu í Írak. Ekki var utanríkismálanefnd Alþingis spurð. En stóra málið er auðvitað að Guðni Ágústsson skuli ekki hafa verið spurður áður en íslenska þjóðin var látin styðja ólöglegt og forkastanlegt innrásarstríð sem hefur kostað hundruð þúsunda almennra borgara lífið. Þvílík svekking, þvílík niðurlæging að þurfa að heyra um þetta í fréttunum í bílnum eins og hver annar sauður. Sem Guðni ekki er. En það er nú gott að allt fór vel að lokum og Framsóknarflokkurinn þurrkaðist ekki algjörlega út.

http://www.visir.is/article/20071125/FRETTIR01/71125012

Ruslpósfyrirsögn dagsins

2007-11-16T13:51:00.001Z

obtain a big penis Israel

Hafa skal það sem hendi er næst

2007-11-09T00:17:00.000Z

Hver kannast ekki við að vinna langan vinnudag, fara í búð, koma heim, elda kvöldmat, borða og horfa svo á sjónvarpið fram að háttatíma? Þetta er kunnugleg lýsing á venjulegum virkum degi hjá fjölda fólks og langt frá því að vera versta rútína sem hægt er að ímynda sér. Þegar við skoðum ferlið nánar sjáum við hins vegar að hvert atriði snýst um að uppfylla grunnþörf, nema það síðasta, sjónvarpsglápið. Það er sem sagt alvanalegt að eina raunverulega ákvörðun dagsins um hvað eigi að gera við tímann sé að horfa á sjónvarpið. Þá fer allur frítíminn í það.

En hver kannast ekki líka við að hoppa á milli stöðva og finna ekkert áhugavert en velja bara það skásta og horfa á það? Það getur virst óyfirstíganleg hindrun að finna sér eitthvað annað að gera, jafnvel þó að það sé bara að taka fram bíómynd sem mann hefur langað að sjá (aftur). Stundum nennir maður ekki einu sinni að skoða sjónvarpsdagskrána, velja úr það sem mann langar virkilega að horfa á og halda sig við það. Lendingin er þá að finna eitthvað í sjónvarpinu sem maður getur sætt sig við, þótt maður hafi eiginlega engan áhuga. Valkvíði er ekki vandamálið, heldur skortur á löngun til að velja. Við berum ekki nægilega virðingu fyrir frítíma okkar til að taka ákvörðun um hvað við eigum að gera við hann.

Hrikalega erum við þreytt og slæpt og sinnulaus stundum. Ef við höfum varla orku í að lyfta fjarstýringunni, er þá furða að við nennum ekki að mynda okkur skoðanir á erfiðum málum heldur látum berast með straumnum? Þá er síðasti ræðumaður yfirleitt ræðumaður kvöldsins og meirihlutinn ræður öllu. Við þurfum að hrifsa til okkar ánægjuna af því að hugsa og taka sjálfstæðar ákvarðanir, og sjónvarpið er ekki slæm byrjun. Ein leið er að taka sér Groucho Marx til fyrirmyndar, en hann mælti þessi orð: „Mér finnst sjónvarpið mjög fræðandi. Alltaf þegar einhver kveikir á því fer ég í annað herbergi og les góða bók."

Traust

2007-11-06T15:45:00.001Z

Fólk ryðst fram fyrir kyrrstæðar raðir til að sannreyna að dyr að kaffistofum séu læstar. Fólk teygir fram álkuna og skoðar gaumgæfilega hvort klósett séu ekki upptekin þó að aðrir standi óþreyjufullir fyrir utan. Og fólk gengur í myrkri vísvitandi fram fyrir bíla á ferð. Fólk er furðulegt.

Rigning á stöku stað, fremur hvasst

2007-10-26T00:05:00.000Z

Suðsuðvestur af Hvarfi er níuhundruðogáttatíu millibara lægð sem nálgast landið... þetta er nóg. Hver Íslendingur sem kominn er á fullorðinsaldur heyrir rödd veðurfréttanna við þessi orð; rödd sem er jafn seiðandi og arineldur á rigningarkvöldi, jafn þægilega slævandi og róandi lyf uppáskrifað af heimilislækni. Fregnir af veðri eru áþreifanlegasti hluti menningar þjóðarinnar, stöðugar en breytilegar, daglegar en teygja sig afturábak yfir flæmi alda til árdaga lýðveldisins. Millibör. Gráð. Vindstig. Í þessum orðum felst saga.

Varlega skyldi því fara í að breyta veðrinu. Eitt er að úða koltvísýringi og freoni linnulaust út í lofthjúpinn, þannig að Grænlandsjökull og ísbreiður Suðurskautslandsins molni og jörðin hitni á endanum eins og afgangar í örbylgjuofni. Við það þurfa komandi kynslóðir að glíma. Annað og alvarlegra mál er að umhverfa fréttum af veðri og vindum í sjónvarpi. Það hefur áhrif núna.

Eitt versta ógæfuspor ljósvakamiðlanna var nefnilega að binda ofurtrú á stafrænar tæknibrellur og sjónhverfingar við veðurfréttir. Veðurfréttamenn standa nú hægra megin á skjánum, þannig að Austurland er ósýnilegt, horfa fjarrænum augum út í loftið og láta hægri höndina vofa með döprum árangri yfir korti sem þeir sjá ekki sjálfir. Gamla aðferðin, með alvöru kortum, var betri. Í teningnum sem bendiprikið snart var fólgið öryggi.

Þegar kemur að veðrinu sjálfu verða veðurfréttamenn þó að lifa í samtímanum. Nú er svo komið að monsúnúrhelli hefur staðið yfir í tvo mánuði í höfuðstaðnum, þannig að þurrkatíð virðist jafn fjarlæg minning og bjórlíki, og þá verða þeir að sætta sig við það litlausa hlutskipti að tilkynna þjóðinni óbreytt ástand þar til annað kemur í ljós. „Nú, á morgun tekur svo að rigna” sagði einn veðurfræðingurinn um daginn í miðri dembu. Svo hélt bara áfram að rigna.

Leiktjöldin og sannleikurinn

2007-10-12T00:11:00.000Z

Talsetning auglýsinga er listgrein sem birtist okkur tíðum á skjánum en er sjaldnast gert hátt undir höfði. Metrósexúal tyrkneskir herramenn fjölyrða á lýtalausri íslensku um kosti tiltekinnar tegundar flösusjampós og miðaldra danskar reykingakonur hampa gæðum tannkrems á hinu ástkæra ylhýra, en samspil hljóðs og myndar er í svipuðum gæðaflokki og í austurlenskum slagsmálamyndum. Telja verður þó líklegt að vissum dalbotni hafi verið náð nýlega þegar útlenskur auglýsingaleikari lét goshverinn Strokk í Haukadal sjóða fyrir sig kartöflur á tíu mínútum og lýsti fjálglega. Svo var það talsett á íslensku, sem er svolítið eins og að markaðssetja útlent drykkjarvatn hérlendis. Æ, afsakið.

Birtingarmyndir firringarinnar eru reyndar fleiri á öldum ljósvakans en margan grunar. Til að mynda er meirihluti afþreyingarefnis lygasögur sem ganga ekki upp nema viðtakendurnir í sófanum heima fallist á að setja gagnrýna hugsun til hliðar stundarkorn og sætta sig við uppskáldaðan hliðarheim. Stundum fáum við hins vegar tæran sannleika rammaðan af leiktjöldum hins tilbúna. Dæmi þess var í gær þegar RÚV mætti með myndavélar og hljóðnema til að færa borgarbúum og landsmönnum öllum blaðamannafund þar sem nýr borgarstjórnarmeirihluti kynnti sig. Mesti þrótturinn og spennan voru fyrir bí þegar tuttugu mínútur voru liðnar af fundinum, kannski út af einhverri leiðindaflensu sem virðist vera að ganga, en þá komu tveir organdi rónar eins og frelsandi englar sannleikans. Ekki skildist alveg hvað þeir höfðu til málanna að leggja, þó að sennilegast hafi þeir verið að lýsa óánægju með að gamli meirihlutinn hefði ekki fengið næði til að vinna áfram að sínum prinsippmálum. Á meðan hélt barnatíminn áfram á Stöð 2 samkvæmt áður auglýstri dagskrá.

Kvöld sem getur ekki klikkað

2007-09-28T00:04:00.000Z

Ég eyði alltaf kvöldinu fyrir framan sjónvarpið. Það er orðið svo mikið framboð af meiriháttar góðu efni að ég eyði öllum frístundum í Lazy-Boyinum til að missa ekki af neinu. Skrepp reyndar út í sjoppu í auglýsingum, nema það séu nýjar og flottar auglýsingar auðvitað. En svona verður prógrammið:

Skjáreinn 18.15 Dr. Phil – Nú er kallinn að gera sig. Hættur í hipparuglinu og farinn að senda eldgömul (næstum fertug!) hrukkudýr í nokkurra vikna leysigeislameðferðir og trítment. Vel giftur, kallinn.

Stöð 2 18.30 Fréttir – Alltaf eitthvað að gerast. Klikkar ekki. Gott að hafa þessi gríðarlega traustvekjandi andlit á skjánum.

Stöð 2 19.50 Friends – Friendsararnir klikka ekki á þessu. Joey alltaf jafn heimskur og svona. Það má horfa á þetta endalaust.

RÚV 20.10 Útsvar – Spurningakeppni landshluta. Það má hlæja að því. Verst að það eru engir hagyrðingar til að toppa dæmið. Fimm mínútur passlegt.

Stöð 2 20.15 Tekinn 2 – Besta stöffið í íslensku sjónvarpi, skuldlaust. Tær snilld að láta lögguna taka fólk og segja að það hafi valdið slysi. Alveg óborganlegt þegar það fattar að það var bara lygi! Böstiiid!

Omega – Dagskrá allan sólarhringinn. Say no more.

Stöð 2 Bíó 22.00 The Big Hit – Sennilega besta mynd allra tíma. Nenni samt ekki að horfa á hana alla.

RÚV 22.35 Plunkett & Macleane – Gaurarnir úr Trainspotting gera allt vitlaust í gömlum búningum.

Sýn 23.00 World Supercross GP 2006-2007 – Þeir hljóta að vera vangefið sterkir í hnjánum þessir gaurar.

Stöð 2 23.05 The Man – Samuel L. Jackson er auðvitað svalastur. Líka pabbinn úr American Pie, geðveikt leiðinlegur náungi. Getur ekki klikkað.

Sirkus 00.35 Tónlistarmyndbönd frá Popp TV – Eru ekki allir ferskir??!

Heilinn

2007-09-27T17:00:00.000Z

Ég er með Tubular Bells á heilanum. Gæti verið verra.

Fjölmenning

2007-09-26T21:03:00.001Z

Það er hrikalegur skortur á pagóðum hérlendis.

Varúð! Því eldfimt er Nýlónið

2007-09-25T09:48:00.000Z

Fyrir nokkrum árum var ég staddur í Nýlistasafninu, sem þá var við Vatnsstíg, á opnun sýningar eftir framúrstefnulegan listamann erlendan sem tengst hefur íslensku þjóðinni tryggðaböndum. Til að kynna sýninguna og listamanninn steig á stokk kunnur einstaklingur úr fjármálaheiminum fyrir hönd styrktaraðila. Ávarp hans, sem flutt var á ensku, hófst á þessum orðum: "Extinguished guests..."
Skemmst er frá því að segja að sýningin var draugfúl.

Niðurlæging Austurlandahraðlestarinnar

2007-09-22T21:53:00.000Z

21.50 -
"Það er lokað."
"Er ekki lokað klukkan tíu? "
"Klukkan er orðin tíu."

Joi splæsir

2007-09-21T09:57:00.000Z

Pabbi José Mourinho heitir Félix. Þannig að hann heitir Joi Fél. Pælið í því.

Hugvekja um samskipti frá A til B

2007-09-19T10:09:00.000Z

Jæja, þessar teppur mynda sig ekki sjálfar. Allir út í umferðina!

"Ain't nobody slowing down no way, everybody's stepping on their accelerator. Don't matter where you are, everybody's gonna need a ventilator, some kind of ventilator. What you gonna do about it, what you gonna do? Gonna fight it?"

Hvað sem þið gerið, hafið viftuna í gangi svo þið sjáið út.

Mannvinurinn og eiturlyfjafíkillinn

2007-09-07T09:11:00.001Z

Fyrir nokkrum áratugum hittust tveir efnilegir ungir menn, þeir Stephen Fry og Hugh Laurie, í Cambridge-háskóla á Englandi og stigu þar sín fyrstu spor á leiklistarbrautinni. Síðan þá hafa þeir unnið mörg stórvirkin en hæstum hæðum hafa þeir náð í samvinnu. Þættirnir um Blackadder hefðu vart verið svipur hjá sjón án þeirra, hvað þá Jeeves & Wooster. Færri þekkja ef til vill gamanþættina A Bit of Fry and Laurie en þeir eru vel þess virði að komast í með hvaða tiltækum ráðum sem er. Hjá Fry og Laurie mætast tveir bestu eiginleikar Englendinga: fágun sem byggir á aldagömlum merg í bland við nístandi kaldhæðið grín, gjarnan með töluvert súrrealískum blæ.

Þessa dagana þjóna þeir félagarnir okkur á sjónvarpsskjánum sem fulltrúar sumars og vetrar. Fyrsta röðin af þáttunum Kingdom, þar sem Fry leikur samnefndan hjartahlýjan lögmann í enskum smábæ, hefur runnið sitt skeið á enda og við tekur dóphausinn mannasiðalausi dr. House, sem Laurie ljáir líf í samnefndum amerískum þáttum. Sem fyrr eru blóðbræðurnir eins og tvær hliðar á sama peningi. Gæðablóðið Peter Kingdom getur ráðist á mann með kjaftshöggi og bitið hann í fótinn meðan Gregory House leggur starf sitt og orðspor að veði til að bjarga lífi sjúklinga sinna. Samt er Kingdom góði kallinn og House vondi kallinn. Fry hefur fyllt ágætlega upp í sjónvarpstóm sumarsins með mannlegri smábæjarnostalgíu en það er gott að vita að Laurie er mættur með sinn safaríka durt til að halda okkur við kassann í vetur. Smjatt.

Því er við að bæta að hér á síðunni var fyrir tveimur vikum fjallað um málarana Atla og Gísla, sem gert hafa garðinn frægan í auglýsingum. Þar voru þeir sagðir danskir og einkalífi þeirra lýst í þaula en í raun eru þeir íslenskir og einkahagir þeirra dálkahöfundi að mestu ókunnir. Heimildir blaðsins reyndust því ekki áreiðanlegar að þessu sinni.

Án titils

2007-08-28T11:25:00.001Z

Saga úr Vesturbænum - myndrænn viðauki

2007-08-27T23:00:00.000Z

Loksins er tímabært að fullkomna söguna hugljúfu af iðnaðarmanninum. Látum myndina tala sínu máli.

Einkalíf dönsku sjónvarpsstjarnanna

2007-08-24T00:04:00.000Z

HUNH! Durururumm... Komið sælir, lesendur góðir. Mig langar að kynna tvo prýðismenn fyrir ykkur, en þeir heita Arne og Bjarne og eru frá frændríki okkar Danmörku. Þeir eru ólíkir um margt en saman mynda þeir alveg ótrúlega sterka markaðslega heild. Þið þekkið þá af skjánum en nú er kominn tími til þess að við skyggnumst undir yfirborðið og komumst að því hvern mann þeir hafa að geyma undir sjónvarpsstjörnuyfirborðinu.

Arne heitir annar, þrekinn maður, ljós yfirlitum en þungbrýndur mjög. Arne er á fimmtugsaldri og býr í nýlega uppgerðri blokk í úthverfi Kaupmannahafnar. Arne starfar sem skólaliði en á einnig að baki feril sem starfsmaður verkstæðis sem sérhæfir sig í viðgerð heimilistækja. Arne er maður afar fastheldinn á vini og nýtur frístundanna best í vinahópi að horfa á sjónvarp eða spila á spil. Arne er ógiftur og barnlaus, en heyrst hefur að hann eigi nú í bréfasambandi við eina af þekktustu sjónvarpsleikkonum Dana.

Bjarne heitir hinn, hár og grannur maður um fimmtugt, kíminn og brosleitur, sem gengur jafnan um með sólgleraugu. Bjarne vann fyrir nokkrum árum rúmar tvær milljónir danskra króna í lottói og flutti þá ásamt föður sínum í fallegan heilsársbústað á Suður-Sjálandi, þar sem þeir una sér við dorgveiðar. Bjarne finnst gaman að rúnta um á Ford Escort-bifreið sinni. Hann er áhugamaður um skák og teflir stundum á netinu undir heitinu „Bjarne".

Arne og Bjarne voru uppgötvaðir þar sem þeir voru í faðmlögum í sínum fyrsta tíma á gömludansanámskeiði. Þeir léku síðan í auglýsingu fyrir stórt fyrirtæki í heimalandi sínu sem framleiðir og selur málningarvörur. Þar þóttu þeir ná svo vel saman að ákveðið var að hefja stórkostlega útrás í markaðsmálum sem byggðist á ótvíræðum hæfileikum og útgeislun þeirra félaga. Þannig vildi það til að Arne og Bjarne birtust á skjánum okkar, undir íslensku listamannsnöfnunum Atli og Gísli, og lífguðu upp á tilveruna. Og fyrir það erum við þakklát. Takk, Arne og Bjarne!

Samlegð í viðskiptalífinu

2007-08-23T17:45:00.000Z

Dræmar viðtökur við tónleikum Stuðmanna um síðustu helgi urðu til að þeir þurftu að leita nýs stuðningsaðila. Nú styður Nings Stuðmenn og heita þeir hér eftir Stuðningsmenn.

Dada

2007-08-21T13:29:00.000Z

Ó, þú síðsíðsíðsíðnútímalegi heimur! Upplausn og óendanleiki allt um kring og legíó.

Óraníureglan hin nýja

2007-07-27T14:21:00.001Z

Hörundslitur fólks hefur haft mikil áhrif á mannkynssöguna. Synir Nóa, þeir Sem, Kam og Jafet, ollu töluverðum klofningi fyrir nokkrum þúsundum ára þegar þeir gerðust ættfeður semíta (þar með gyðinga, araba og annarra Asíubúa), blökkumanna og óbreyttra hvítra manna, í þeirri röð, sem sagt allra jarðarbúa samanlagt. Einn daginn drakk Nói sig fullan og leið út af í tjaldi sínu sökum ofneyslu, eins og gengur og gerist. Hinn hörundsdökki Kam var svo óheppinn að „sjá nekt föður síns" og þegar Nói vaknaði, „varð hann þess áskynja, hvað sonur hans hinn yngri hafði gjört honum. Þá mælti hann: Bölvaður sé Kanaan, auvirðilegur þræll sé hann bræðra sinna". Til útskýringar ber að geta þess að Kanaan var sonur Kams, en í þá daga fengu synirnir gjarnan á baukinn ef pabbarnir gerðu eitthvað af sér. Þessi ágæta saga var síðan gjarnan notuð til að réttlæta ánauð þeldökkra manna, enda var Nói guðhræddur og vís, þótt hann drykki, og mikil virðing borin fyrir hans óskum. Hann bar sumsé prís.

Ekki er gott að segja hvernig stóð á því að synir Nóa gátu af sér svo ólíka kynþætti. Vísindamenn telja hugsanlegt að Kam hafi gillzað yfir sig í ljósabekkjum og húðliturinn færst yfir á seinni kynslóðir með einhvers konar stökkbreytingu, en það er enn ósannað. Nú vill svo til að við sjónvarpsáhorfendur erum í einstakri aðstöðu til að fylgjast með hliðstæðri þróun nú á dögum. Í fréttatímum birtast okkur menn, fréttaþulir, sem hafa farið offari í spray-tan meðferðum með þeim afleiðingum að þeir eru appelsínugulir í framan og gætu spilað treyjulausir fyrir hollenska landsliðið í fótbolta. Þeir eru fáránlega appelsínugulir. Hvað er eiginlega málið með það?

Orðsifjar

2007-07-24T23:24:00.001Z

Gasnaglabyssur eru eilítið skyldar Scunthorpe.

Messi – ¡gooooooooooooooooooooolllllllllll!

2007-07-15T17:21:00.000Z

Fótboltaunnendur hafa orð á sér fyrir að fara gjarnan yfir strikið í átrúnaði sínum á íþróttinni og goðum hennar. Boltinn breytir settlegum borgurum í æstar bullur og gerir ábyrga fjölskyldufeður að sinnulausum slettirekum sem engu nenna nema að hanga og slafra bjór yfir sjónvarpsútsendingum með félögunum. Nokkrir sökudólgar hafa verið fremstir í flokki; enska knattspyrnan og Meistaradeild Evrópu hafa grafið undan þjóðfélaginu á veturna en annað hvert sumar hafa Evrópukeppni landsliða eða Heimsmeistarakeppnin lagt frítíma fjölskyldnanna í rúst. En nú er nýr skaðvaldur kominn til sögunnar – Copa America.

Ameríkubikarinn er Suður-Ameríkukeppni landsliða í fótbolta sem haldin er með tveggja til þriggja ára millibili, nú í Venesúela. Undanfarnar vikur hafa þeir getað fylgst með þessu fyrirbæri sem eru viljugir að sitja við imbann langt fram eftir kvöldi eða jafnvel fram á rauða nótt. Þeir hafa þó væntanlega fæstir séð eftir því, frekar en áhorfendurnir sem skemmt hafa sér frábærlega á pöllunum. Boðið hefur verið upp á markasúpu í leik eftir leik og fótboltinn hjá bestu liðunum hefur flokkast undir fagra list frekar en íþrótt. Hegðun leikmanna hefur líka að langmestu leyti verið til fyrirmyndar og drengskapur í hávegum hafður.

Í fyrstu leikjunum fóru úrslitin sjaldnast eftir bókinni, heldur velgdu minni spámenn eins og gestgjafarnir sterkari liðum undir uggum. Í undanúrslitum voru þó þekktustu liðin eftir: baráttuhundarnir frá Mexíkó, hinir ólseigu Úrúgvæar og risaveldin Brasilía og Argentína. Brassarnir voru lúsheppnir að komast í úrslitin eftir sigur á Úrúgvæum í vítakeppni en Argentínumenn, með undrabarnið Messi og snillinginn Riquelme í ótrúlegu formi, sýndu leikmönnum Mexíkó í tvo heimana. Þá höfum við úrslitaleikinn á sunnudaginn: Argentína gegn Brasilíu. Þá nær skemmtilegasta fótboltamót síðustu 25 ára hámarki og eins gott að vaka fram eftir. Á mánudaginn er svo hægt að snúa aftur til eðlilegra lifnaðarhátta.

2007-07-07T17:57:00.000Z

Við feðginin brugðum okkur í Laugardalinn um fimmleytið og ætluðum að heilsa upp á fuglana í garðinum. Við innganginn sáum við brúðhjón sem var verið að taka myndir af, síðan önnur brúðhjón, og svo þau þriðju, nánast á sama blettinum. Gaman að þessu.

Náð og miskunn

2007-07-03T12:58:00.000Z

Nú er sótt hart að vini okkar George W. Bush, forseta Bandaríkja Norður-Ameríku og leiðtoga hins siðmenntaða heims, fyrir að hafa forðað vini sínum Scooter Libby frá því að lenda í fangelsi. Þetta er hins vegar alls ekki í fyrsta sinn sem forsetinn röggsami sýnir miskunnsemi. Áður en hann var valinn til núverandi embættis gat hann sér gott orð á árunum 1995-2000 sem ríkisstjóri í hinu víðlenda og fjölmenna Texas, þar sem hugsjónir einstaklingsfrelsis eru í hávegum hafðar. Meðal afreka hans á þeim tíma var að forða Henry Lee Lucas, sem getið hafði sér gott orð sem fyrirmynd aðalsöguhetju í bíómynd, frá aftöku. Þetta var einsdæmi, en 152 aðrir fangar á dauðadeild fengu í ríkisstjóratíð Bush þau málagjöld að vera svæfðir svefninum langa með sprautugjöf. Sjálfsagt var það maklegt og réttvíst í öllum tilfellum, en umfang ríkisstjórastarfsins sést best á því að á þessum fimm árum skrifaði Bush undir aftökuheimild á níu daga fresti. Hafa ber í huga að óvildarmenn Henry Lee Lucas, sem vildu hann feigan, voru allmargir og létu ófriðlega. Þegar George W. Bush er sakaður um að vera sálsjúk mannleysa skulum við því minnast þess hvílíka miskunnsemi hann hefur sýnt.

Lögregla ræðir um daginn og veginn við meinta mótmælendur

2007-06-30T00:00:00.001Z

Hér eru góðar fréttir af textavarpinu:

Meintir mótmælendur á Seyðisfirði
Fjórir menn sem lögreglan telur að hyggi á mótmæli gegn Kárahnjúkavirkjun og álverinu við Reyðarfjörð í sumar komu með Norrænu til Seyðisfjarðar í gær. Mennirnir eru allir hollenskir og að sögn Óskars Bjartmarz, yfirlögregluþjóns sýslumannsembættisins á Seyðisfirði, var einn þeirra viðriðinn mótmælaaðgerðir á Austurlandi í fyrra en var þó ekki meðal þeirra sem hlaut (svo!) dóm fyrir slíkt. Óskar segir að lögreglan hafi rætt við fjórmenningana við komuna til landsins en ekki hafi verið um yfirheyrslu að ræða.

Það er nokkuð ljóst að ég sef betur í nótt fyrst lögreglan einbeitir sér að þeim verkefnum þar sem hennar er mest þörf. Annars mætti augljóslega taka harðar á forhertum glæpamönnum af þessari sort. Hvað viljum við? Auknar heimildir til að halda grunuðum hryðjuverkamönnum í gæsluvarðhaldi án dómsúrskurðar! Hvenær viljum við það? Ekki seinna en strax! Áfram Óskar, láttu þá hafa það!

Straight to hell

2007-06-25T01:03:00.000Z

Þegar ég var að klæða mig í leppana eftir sund í kvöld heyrði ég Þjóðverja segja í símann sinn eitthvað á þessa leið: "Ja, wir sind am Swimming-Pool zu duschen...". Ég sleppti því að spyrja hann hvað í andskotanum hann væri eiginlega að gera við málið sitt, þó að mig dauðlangaði til þess.

Klósettframherjinn

2007-06-16T16:09:00.000Z

Ég á stundum svolítið erfitt með mig þegar ég sé áletrunina "LAVATORY FORWARD" í flugvélum í innanlandsflugi, þar sem mér finnst að það eigi að vera staða í fótbolta.

Sumarfrí

2007-06-15T15:09:00.000Z

Þrjár helstu konurnar í lífi mínu keyra norður saman í dag. Ég er að vinna í kvöld og flýg svo í fyrramálið. Síðan tekur við viku afslöppun á Akureyri og í Mývatnssveit. Það verður ansi gott.

Sunnudagshjólrúnturinn

2007-06-10T17:12:00.000Z

Ég leitaði að leiðinni sem liggur á Heimsenda. Samt finnst mér heimsins ásýnd ekkert svo ill, né heimsins náttúra. Það er skemmst frá því að segja að leiðin fannst og ferðin var mjög skemmtileg.

Þú hefur ekki misst af neinu

2007-06-08T08:59:00.001Z

Allt fram streymir endalaust á tölvuöld og enginn veit sína ævina fyrr en öll er. Allt er á hverfanda hveli og breytingum háð. Svo er það og þannig er það nú. Breytingar eru það eina sem er stöðugt, ekki síst í hinum síkvika sjónvarpsheimi. Nýjar stöðvar spretta fram og deyja og hinar umturnast í takt við kröfur nýrra kynslóða.

Ein merkilegasta breytingin sem hefur átt sér stað síðari ár í ljósvakamiðlum er Plúsinn. Stöð 2 reið á vaðið með Stöð 2 Plús, sem sýndi nákvæmlega sama efni og móðurstöðin nema bara klukkutíma síðar. Tímaferðalög hafa löngum verið mannskepnunni hugleikin og þarna varð sá draumur að veruleika að geta farið heilan klukkutíma aftur í tímann og horft á dagskrána eins og maður væri staddur í Síerra Leóne og væri með áskrift að Stöð 2. Með 22 plúsrásum í viðbót væri búið að dekka öll tímabelti jarðarinnar og allir væru sáttir. Plúsinn svínvirkar og þú hefur ekki misst af neinu þó þú sért upptekin(n) á auglýstum tíma dagskrárliðsins. VHS-upptökutækið er orðið óþarft.

Plúsinn var þvílíkt snilldarbragð að hver ljósvakamiðillinn á eftir öðrum hefur beitt sama bragðinu og bætt við sig heilli rás án þess að þurfa að framleiða meira efni. Nú er hins vegar kominn tími til að aðrar tegundir fjölmiðla sláist í hópinn. Ég hef því stungið upp á því við yfirmenn 365 að plúshugmyndin verði yfirfærð á prentmiðilinn sem þú ert nú með í höndunum. Þannig yrði til nýr og glæsilegur hliðarmiðill, Fréttablaðið Plús, sem væri einfaldlega sama blað borið í sömu hús sólarhring síðar fyrir þá sem náðu ekki eða nenntu ekki að lesa blaðið í fyrsta umgangi. Undirtektirnar hafa til þessa verið dræmar en ég er þess fullviss að hugmyndin verði að veruleika. Þetta á ekki að geta klikkað.

Pers

2007-06-07T13:02:00.000Z

Tveggja km bringa á 49:36. Jájájájájá. Fimmtíu mínútna múrinn rofinn. Nú verður sko tekið á því í sumar.

Spjúff

2007-06-03T15:54:00.000Z

Ég hef aldrei vitað aðra eins sjóferð, segi ég nú bara. Það var stíft rok í Grindavík og meira en að segja það að hjóla þar, en hafðist á endanum. Reyndar náði ég að villast (held að heilinn hafi verið orðinn súrefnislaus) þegar hitaveitan eða hvað þetta er við Bláa lónið var í augsýn og fékk ekki opinberan tíma, en komst þó fyrir eigin vélarafli á leiðarenda á einhverjum örfáum mínútum yfir tveim tímum. Þá voru lærvöðvarnir farnir að kveinka sér töluvert. Í það heila gott stuð. Frekar dasaður núna. Og útitekinn. Spurning að fá sér vinnu í skógerð.

Den galne Herr Grindevigen

2007-06-03T00:08:00.000Z

Í fyrramálið ætla ég að vakna klukkan hálfátta (ef Vala verður ekki búin að vekja mig), fá mér morgunmat og keyra svo til Grindavíkur. Klukkan tíu hefst þar þríþrautarkeppni þar sem syntir verða 800 metrar, hjólaðir 23 kílómetrar og svo hlaupnir sex kílómetrar, endað við Bláa lónið. Þetta er hálf ólympísk vegalengd og rúmlega það.

Síðustu mánuðina hef ég eiginlega ekkert hlaupið; tvisvar tekið Seltjarnarneshringinn upp á fimm kílómetra (með Árna) og skakklappast í innanhússfótbolta einu sinni í viku. Jú, og farið þrisvar í ræktina síðan í vor.

Hjólið fékk loft í dekkin fyrir svona þremur dögum og ég hef setið á því í sirka hálftíma samtals síðan þá. Jæja, ég keypti mér þó almennilegan hjálm í staðinn fyrir línuskautahjálminn sem ég notaði í fyrra.

Ég hef verið sæmilega duglegur að synda; einu sinni í viku síðustu tvo mánuði eða svo, oftast tvo kílómetra. Hins vegar kann ég ekki skriðsund, sem ég hyggst þó reyna að synda sem mestan hluta af þessum 800 metrum þar sem það er mun skilvirkari aðferð en bringusundið og ætti að skila fótleggjavöðvunum frískari fyrir hjólreiðarnar.

Þrátt fyrir þessa vankanta á undirbúningnum er ég bjartsýnn og hlakka til að taka á því, væntanlega í roki og rigningu. Allt undir tveimur klukkutímum tel ég góðan árangur. Við sjáum hvernig fer.

Gullbrárduld

2007-05-29T23:38:00.001Z

Ef í ökkla er of lítið og í eyra er of mikið, hvað er þá passlegt?

Hliðrunarþversögn

2007-05-28T00:53:00.000Z

Ef vond myndlíking fellur úr fjaðurstaf á auða síðu, kemur þá ljóð?

Peningaeyðsla

2007-05-27T23:39:00.000Z

Á Þingvöllum er hver pollur glitrandi af klinki. Er þetta birtingarmynd ofþenslu í hagkerfinu? Kunna Íslendingar ekki að fara með peninga?

Ég er hættur að drekka kók

2007-05-27T09:53:00.000Z

Það er kominn tími til að hætta að eyða heilsu og peningum í þetta ömurlega drasl, sem ég hef verið háður árum saman. Þeir sem sjá mig drekka kók eru því vinsamlega beðnir um að taka það af mér og minna mig á þetta heit. Í staðinn ætla ég að leyfa mér 2-3 kaffibolla á dag, en ég þigg ábendingar um drykki sem fara vel með góðum mat í staðinn fyrir kók.

Tvífarar dagsins

2007-05-26T15:43:00.000Z

Íslenski bærinn Akureyri, með norðlægustu bæjum af sinni stærð ...

... og Ushuaia í Argentínu, ein suðlægasta borg heims. Ég fann myndirnar á YNTHERNETINU!!! Þetta virðast alls ekki ólíkir staðir og gaman væri að vita hvort lesendur kunna einhverjar skemmtilegar sögur af rúntinum í Ushuaia. Þeir gleggri taka þó eftir því að ekki er ský á himni fyrir norðan og mun snjóléttara, þó að Akureyri sé um það bil tíu gráðum fjær miðbaug.

Aðeins hinir hæfustu lifa af

2007-05-25T09:57:00.000Z

Við lifum í hörðum heimi. Reyndar var ástandið verra fyrr á öldum, þegar bókstaflega ekkert var í sjónvarpinu í heilan mánuð samfleytt á hverju ári og matarmenning Íslendinga einskorðaðist við nautahakk og soðnar kartöflur, kjötbollur og soðnar kartöflur og soðna ýsu og soðnar kartöflur. Í dag erum við Íslendingar orðnir málsmetandi aðilar í samfélagi þjóðanna og kippum okkur ekki upp við að borða framandi mat eins og sushi með soðnum kartöflum. Sjálf höfum við lagt kokkteilsósuna af mörkum til alheimsmatarsamfélagsins. Geri aðrir betur.

En þetta var nú smá matartengdur útúrdúr. Staðreyndin er sú að þrátt fyrir öll okkar veraldlegu gæði og siðmenningu erum við ennþá villidýr sem berjast við hvert annað fyrir tilverurétti sínum og það kemur vel fram á skjánum. Sú kenning Charles Darwin að hinir hæfustu lifi af er orðin yfirþyrmandi í sjónvarpsþáttum. Það hefur verið vitað síðan á steinöld að hinir sætustu lifa af, þannig að það er tilvalið og klassískt að sýna fegurðarsamkeppni í sjónvarpinu. Á síðari árum höfum við fengið þætti eins og Survivor, America´s Next Top Model, American Idol, Big Brother, So You Think You Can Dance?, Project Runway og The Apprentice, sem snúast allir um að útrýma hinum keppendunum og standa einn eftir. Enginn veit hins vegar hvernig hárið á Donald Trump hefur lifað af.

Sjálfur er ég með hugmynd að raunveruleikasjónvarpsþætti í anda Darwins sem ég held að gæti orðið æsilegt sjónvarpsefni, svo æsilegt að ég myndi ekki einu sinni þora að horfa á. Hann myndi heita “Karaoke Survivor”, eða “Karókí til hinsta manns”, og gengi í stuttu máli út á að þrjátíu keppendur yrðu læstir inni í sjónvarpssal með karókítæki og skiptust á að syngja diskólagið “I Will Survive” þangað til aðeins einn væri eftir uppistandandi. Hann yrði síðan að sjálfsögðu beðinn um að syngja sigurlagið einu sinni í viðbót.

Orð dagsins

2007-05-21T12:46:00.001Z

Svínafiðrildi.

Hergé 100 ára

2007-05-20T19:03:00.000Z

Bækurnar um Tinna hafa notið gríðarlegra vinsælda meðal bæði barna og fullorðinna um allan heim enda aðgengilegar og skemmtilegar. Sá heimur sem birtist í sögunum er hins vegar svo fjölbreytilegur og djúpur að grúskarar í bókmennta- og menningarfræðum hafa fundið þar gjöfulan akur fyrir sínar rannsóknir.

Georges verður Hergé, höfundur Tinna

Hergé, sem hét réttu nafni Georges Prosper Remi, fæddist hinn 22. maí 1907 í Brussel. Hann hlaut nær enga formlega menntun í myndlist en var síteiknandi frá unga aldri, ekki síst myndir af þýsku hermönnunum sem hernámu land hans í fyrri heimsstyrjöldinni. Georges fann sér fljótt starf sem teiknari og bjó sér til listamannsnafnið Hergé, sem er dregið af framburðinum á RG, semsé fangamarki hans afturábak.
Tinni birtist fyrst árið 1929 í Le Petit Vingtième, sem var vikulegt blað fyrir börn sem fylgdi kaþólska dagblaðinu Le Vingtième Siècle (Tuttugasta öldin). Þar var Tinni sýndur sem fréttaritari blaðsins og hét myndaflokkurinn „Tinni í landi Sovétmanna“. Í sögunni var látið eins og blaðamaðurinn ungi hefði tekið myndirnar sjálfur, jafnvel þegar þær sýndu hann sjálfan við störf eða á flótta undan illvirkjum. Pólitískt inntak sögunnar var óumdeilanlegt og markmiðið var einfalt: að sýna skuggahliðar sovétkerfisins. Síðar gagnrýndi Hergé reyndar bandaríska skyndimenningu harkalega í bókinni Tinni í Ameríku.
Næst skrifaði Hergé um ævintýri Tinna í Kongó, en sú saga varð síðar alræmd vegna úreltra viðhorfa til nýlendustefnu og samskipta kynþátta. Frægasta dæmið um það er þegar Tinni bregður sér í hlutverk kennara og tilkynnir börnunum í Kongó að í dag ætli þau að læra um landið sitt: Belgíu! Í Kolafarminum, sem kom út árið 1958 og fjallar um þrælahald, er áhugavert að svertingjar Hergés hafa lítið breyst: þeir eru bestu skinn en skelfilega treggáfaðir og það er á ábyrgð hvítu mannanna að sjá til þess að þeir lendi ekki í hörmungum, sem eru merkilegt nokk þrældómur í þessu tilfelli.

Besti vinurinn Tsjang

Þegar Hergé lýsti því yfir að næsta ævintýri Tinna á eftir Kongóferðinni myndi eiga sér stað í Austurlöndum fjær skrifaði honum prestur, Faðir Gosset, sem þjónaði kínverskum stúdentum við Háskólann í Leuven. Gosset hvatti Hergé til að fara að öllu með gát í lýsingum sínum á kínversku þjóðinni, ekki síst þar sem hann ætti marga dygga aðdáendur þar á meðal.
Úr varð að Gosset kynnti Hergé fyrir ungum nema í höggmyndalist, Tsjang Tsjong Jen, sem varð fljótlega góður vinur Hergés og kynnti fyrir honum fjölbreytileika kínverskrar menningar og lista, ekki síst myndlistar og leturs. Tsjang varð persóna í bókinni Blái lótusinn (1935), en í henni skeggræða hann og Tinni um gagnkvæma fordóma þjóðanna og komast að því að Kínverjar og Evrópumenn eigi að vera vinir. Japanarnir í bókinni eru hins vegar allir hrottar.
Karakterinn Tsjang kom aftur við sögu aldarfjórðungi síðar í bókinni Tinni í Tíbet (1960), sem Hergé byggði að hluta á martröðum sínum þar sem allt var hvítt. Það var svo eins og við manninn mælt að þegar vinnu við bókina lauk hurfu martraðirnar.

Heimsstyrjöld og álitshnekkir

Í seinni heimsstyrjöldinni hernámu Þjóðverjar Belgíu aftur og Hergé sá enga ástæðu til að sinna ekki vinnu sinni undir stjórn þeirra frekar en hver annar iðnaðarmaður. Hann sat lengi vel undir gagnrýni fyrir að hafa verið samverkamaður nasista en skrifaði sig út úr samviskubitinu með ýmsu móti. Nefna má að fúlmennið Rassópúlos, sem er staðalmynd peningagráðugs gyðings þrátt fyrir að vera grískur að nafninu til, breyttist í sögunum sem komu eftir stríð og fór meðal annars í glæpastarfsemi með nasistum þannig að hann gat ekki lengur talist birtingarmynd gyðingahaturs.
Með tímanum var Hergé þó fyrirgefið, enda vildu allir fá fleiri Tinnabækur. Fyrirtækið í kringum Tinna óx og á hátindi ferils Hergés var hann með lið teiknara til að sjá um handavinnuna meðan hann einbeitti sér að því að gæða sögurnar enn meiri dýpt.

Síðari árin

Þegar Hergé fór að reskjast tók að líða lengri tími milli bókanna. Fimm ár liðu milli Vandræða Vaílu Veinólínó (1963) og Flugrásar 714 til Sydney, og síðan átta ár þar til síðasta bókin, Tinni og Pikkarónarnir, kom út árið 1976. Hugsjónir allar höfðu þá að mestu leyti dofnað og vinskapur aðalpersónanna og Tinni, sem hafði fyrr á árum oft lagt sig í hættu við að verja lítilmagnann, lét sér nægja að horfa niður á fátækrahverfin í bananalýðveldinu San Teódóros úr júmbóþotu á leið sinni heim í evrópsk þægindi. Hergé, sem þá var skilinn við eiginkonu sína og var barnlaus, lést úr hvítblæði árið 1983.

Skrautlegir karakterar

Eitt af því sem stuðlað hefur að vinsældum bókanna er skrautlegt persónugalleríið. Þar fer fremstur í flokki hinn óforbetranlegi Kolbeinn kafteinn. Hann birtist okkur fyrst í Krabbanum með gylltu klærnar sem forfallin fyllibytta sem er iðulega nálægt því að steypa sjálfum sér og öðrum í glötun með ótrúlega óábyrgri hegðun. Svo hrollvekjandi er hann í alkóhólismanum að meira að segja Tinni fær um það martraðir. Með tímanum verður Kolbeinn þó sífellt virðulegri; er að lokum orðinn húsráðandi á herragarðinum Myllusetri og notar einglyrni eins og forríkur spjátrungur. Áfengisfíknin er honum þó reglulega fjötur um fót og í síðustu bókinni, Tinni og Pikkarónarnir, byrlar hinn utangátta Prófessor Vandráður, sem oftar en ekki ber ábyrgð á ævintýrum þeirra félaga, Kolbeini lyf sem gerir menn algjörlega fráhverfa áfengi. Það kallar Kolbeinn „níðingslega árás á persónufrelsi einstaklingsins“. Munnsöfnuður Kolbeins er eitt af því sem íslenskir aðdáendur Tinnabókanna kunna vel að meta, enda íslenskar þýðingar Þorsteins Thorarensen og Lofts Guðmundssonar einstaklega vel heppnaðar.
Meðal annarra eftirminnilegra persóna má nefna tvíburaspæjarana seinheppnu Skafta og Skapta, sem byggðir eru á föður Hergés og tvíburabróður hans. Þá er óráðlegt að gleyma óperusöngkonunni Vaílu Veinólínó, Næturgalanum frá Mílanó, sem syngur „Ég hlæ, því ég er svo mjó“ þannig að glös springa og hefur mikinn hug á að giftast Kolbeini. Reyndar má benda á að hún er eina konan sem kemur við sögu í fleiri en einni Tinnabók, og sú eina sem hefur einhver áhrif á framvindu sögunnar. Fulltrúi lágkúrulegrar millistéttar er hinn ótrúlega uppáþrengjandi Flosi Fífldal, sem ekkert virðist skilja en er alltaf gríðarlega hress og alltaf að reyna að selja eitthvað.
Ekki má gleyma dyggasta félaga Tinna, terrier-hundinum Tobba sem fylgir honum hvert fótmál og leggur sitt af mörkum til að gleðja yngstu lesendurna, gjarnan með hvössum athugasemdum um það sem fram fer.
Nokkur illmenni bókanna koma síðan ítrekað við sögu; hinn fyrrnefndi nefstóri og útsmogni Rassópúlos, illgjarni vísindamaðurinn dr. Muller og svo auðvitað skuggabaldur Kolbeins kafteins, Hörður skipstjóri.

Aðalpersónan

Tinni sjálfur er nokkurs konar eyðieyja í hafsjó skrautlegra karaktera, en var byggður á bróður Hergés, Paul Remi, sem var yfirmaður í belgíska hernum. Tinni virðist laus við allar líkamlegar fýsnir og þrátt fyrir að vera titlaður blaðamaður sést hann nær aldrei skrifa nokkurn skapaðan hlut. Hins vegar er hann öllum öðrum fremri í að beita rökhugsun og leysa hvers konar gátur, sem yfrið nóg er af í bókunum. Hergé var sjálfur liðtækur í hvers konar heilaleikfimi og var kallaður „forvitni refurinn“ sem ungur drengur í skátunum.

Ævintýri um allan heim

Ævintýri Tinna teygja sig út um víðan völl, allt frá undirdjúpum hafsins í Fjársjóði Rögnvaldar rauða og Leyndardómi einhyrningsins og upp í himingeiminn í Í myrkum mánafjöllum. Tinni er fyrsti maðurinn til að stíga fæti á tunglið, og það fimmtán árum á undan Neil Armstrong. Strax í næstu bók, Leynivopninu, reynir hann að fara huldu höfði í Austur-Evrópuríkinu Bordúríu. Hann fer til Kína, Afríku og Ameríku og kemur meira að segja við á Akureyri í Dularfullu stjörnunni. Hann glímir við landamæradeilur í grannríkjunum Sýldavíu og Bordúríu og aðstoðar vin sinn Alkasar við byltingu í Suður-Ameríkuríkinu San Teódóros. Þá má benda á að ein bókin, Flugrás 714 til Sydney, gerist á eyðieyju í Kyrrahafinu þar sem flugvél hefur hrapað og alls konar furðulegir hlutir eiga sér stað. Athyglisvert er að í seinni bókunum velur Hergé að láta sögurnar gerast á ímynduðum stöðum, ólíkt því sem gerist í fyrstu bókunum þar sem lönd og borgir heita sínum réttu nöfnum. Hugsanlega spilar pólitík eitthvað inn í það en einnig meiri víðsýni og meðvitund Hergés sjálfs.

Spegill tuttugustu aldarinnar

Vel fer á því að ævintýri Tinna, sem fyrst birtust í riti kenndu við tuttugustu öldina, endurspegli hana jafn vel og raun ber vitni. Tinni er holdgervingur Vesturlanda á tuttugustu öldinni; fullviss um eigin yfirburði í fyrstu en eykst skilningur á fjölbreytileika mannlífs á jörðinni eftir því sem líður á tækniöld. Engan veginn er þó séð fyrir endann á vinsældum hans þótt 21. öldin sé gengin í garð. Leikstjórarnir Steven Spielberg og Peter Jackson hyggjast nú hvor um sig leikstýra mynd um Tinna og er viðbúið að hetjan unga með ljósa toppinn slái í gegn enn á ný.

Heimildir - Tom McCarthy: Tintin and the Secret of Literature, Wikipedia.

Vægi atkvæða

2007-05-18T18:24:00.000Z

Hugsum okkur að í einu kjördæmi landsins væri kjörsókn aðeins brot af því sem hún væri annars staðar, segjum tíu prósent þar en sjötíu til áttatíu prósent annars staðar. Það væri þá mjög skrítið að svipað margir þingmenn kæmu úr því kjördæmi og hinum. Þetta er jaðardæmi en sýnir að mínu mati hugsanlega skekkju í kosningakerfinu. Mælir eitthvað gegn því að fjöldi þingmanna í hverju kjördæmi fari eftir fjölda greiddra atkvæða, sem sagt íbúafjölda á kjörskrá sinnum kjörsókn? Það myndi væntanlega jafna fjölda atkvæða á bak við hvern þingmann.

Ein þjóð - ein stjórn - einn valkostur

2007-05-17T11:43:00.000Z

Undanfarið hafa verið gerðar kannanir á því hvaða ríkisstjórn fólk vilji, fyrir utan þessa á laugardaginn sem kallast alþingiskosningar. Þessar kannanir eru einskis nýtar.

Fólki er gefinn einn kostur, sem er hlægileg smækkun á raunverulegum möguleikum. Til dæmis notaði einhver (minnir að það hafi verið Björn Bjarnason en er ekki viss) það um daginn sem einhvers konar rök eða mælskubragð að aðeins tvö prósent kosningabærra landsmanna vildu Kaffibandalagið, þ.e. hugsanlega ríkisstjórn Samfylkingar, Vinstri grænna og Frjálslyndra. Þetta finnst sumum ekkert athugavert af því að þetta kom fram í könnun.

En við hverju býst fólk? Það má nefna einn möguleika. Er óskaríkisstjórn þeirra sem kjósa Samfylkinguna með VG og Frjálslyndum? Er óskaríkistjórn kjósenda VG með Samfylkingu og Frjálslyndum? Er óskaríkisstjórn kjósenda Frjálslynda flokksins með Samfylkingu og VG? Þetta eru miðlægur jafnaðarmannaflokkur, vinstriflokkur og ... eitthvað sem ég kann ekki að skilgreina almennilega, afturhaldssinnaður þjóðernisflokkur var ein uppástungan. Þessir flokkar eiga ekkert sérstaklega margt sameiginlegt annað en stjórnarandstöðuna. Samfylkingarfólk vill margt stjórn með Sjálfstæðisflokknum, Vinstri græn vildu helst í bjartsýni fá tveggja flokka vinstristjórn og Frjálslyndir sennilega eitthvað annað en tvo vinstriflokka að nafninu til.

Viltu vinna milljón? Ég vil það gjarnan. Það þýðir samt ekki að ég vilji ekki vinna hálfa milljón. Eða fimm milljónir. Eða bara góðan kaupréttarsamning.

Cherchez la femme

2007-05-16T18:49:00.000Z

Pauvre petit Nicolas. C'est triste.